懺悔的歌
《懺悔的歌》Tshàm-hué ê Kua
純純Sûn-sûn
——————————————
懺悔前非來歸正
tshàm-hué tsiân-hui lâi kui tsìng
去暗投明是正經
khìr-àm tâu-bîng sī tsìng-king
人無墜落歹環境
lâng bô tuī-lo̍h phái khuân-kíng
毋知何路是光明
m̄-tsai hô-lōo sī kong-bîng
前甘後苦戀愛路
tsiân kam hiō khóo luân-ài lōo
勸恁毋通做糊塗
khǹg lín m̄-thang tsuè hôo-tôo
若有翁婿咱就好
nā ū ang-sài lán tiō hó
一馬兩鞍起風波
it-má liáng-uann khí hong-pho
後悔莫及是梅氏
hiō-hué bo̍k-ki̍p sī Muî–sī
臨渴掘井有較遲
lîm-khat ku̍t-tsínn ū khah tî
牡丹當開糖蜜甜
bóo-tan tng khui thn̂g-bi̍t tinn
花落無人相看見
hue lo̍h bô-lâng sio khuànn-kìnn
悔悟回鄉揣翁婿
hué-gōo huê hiong tshuē ang-sài
不幸凶體在墓內
put-hīng hiong-thé tsāi bōo lāi
自知有過入佛界
tsū ti iú-kò ji̍p Hu̍t-kài
今生無望花再開
kim-sing bô bōng hua tsài khai
