呢!阮毋知
《呢!阮毋知》Neh! Gún M̄-tsai
純美Sûn-bí
——————————————
阮一日等過一日
gún tsi̍t-ji̍t tán kè tsi̍t-ji̍t
等你會倒轉來
tán lí ē tò-tńg–lâi
雖然是等你一年
sui-jiân sī tán lí tsi̍t-nî
猶原每日咧等待
iu-guân muí-ji̍t teh tán-thāi
阮對你遮純情
gún tuì lí tsiah sûn-tsîng
阮對你遮純情
gún tuì lí tsiah sûn-tsîng
你嘛著想看覓
lí mā tio̍h siūnn khuànn-māi
到底你怎拍算
tàu-té lí tsuánn phah-sǹg
呢~阮毋知
neh~ gún m̄-tsai
有一个飄撇男性
ū tsi̍t-ê phiau-phiat lâm-sìng
對阮來表情愛
tuì gún lâi piáu tsîng-ài
雖然阮毋願答應
sui-jiân gún m̄-guān tah-ìng
爸母替阮咧安排
pē-bú thè gún teh an-pâi
你若毋緊轉來
lí nā m̄ kín tńg–lâi
你若毋緊轉來
lí nā m̄ kín tńg–lâi
阮袂得再等待
gún buē-tit tsài tán-thāi
到底你怎拍算
tàu-té lí tsuánn phah-sǹg
呢~阮毋知
neh~ gún m̄-tsai
你一人又毋轉來
lí tsi̍t-lâng iū m̄ tńg–lâi
阮強欲失主裁
gún kiōng-beh sit tsú-tshâi
雖然你對天立誓
sui-jiân lí tuì thinn li̍p-sè
袂來辜負阮情愛
buē lâi koo-hū gún tsîng-ài
阮夜夜心空虛
gún iā-iā sim khang-hi
阮夜夜心空虛
gún iā-iā sim khang-hi
欲叫阮怎忍耐
beh kiò gún tsuánn jím-nāi
到底你怎拍算
tàu-té lí tsuánn phah-sǹg
呢~阮毋知
neh~ gún m̄-tsai
