風花雪月
《風花雪月》Hong-hua Suat-Gua̍t
翁立友Ang Li̍p-iú
——————————————
風一陣陣
hong tsi̍t-tsūn-tsūn
吹開痴情人的執迷不悟
tshue-khui tshi-tsîng-lâng ê tsip-bê put ngōo
花一束束
hue tsi̍t-sok-sok
送予心內彼个最佳瑪卓
sàng hōo sim-lāi hit ê tsuè ka má-tooh
雪地有你踏過跤步
suat-tē ū lí ta̍h–kuè kha-pōo
月光嘛好心替我照路
gue̍h-kng mā hó-sim thè guá tsiò lōo
這款的風花雪月
tsit khuán ê hong-hua-suat-gua̍t
是上媠的酸苦
sī siōng suí ê sng-khóo
你的眼神
lí ê gán-sîn
總是帶著驕傲
tsóng–sī tài tio̍h kiau-ngōo
我的等待
guá ê tán-thāi
難免感覺失落
lân-bián kám-kak sit-lo̍h
問感情敢有結果
mn̄g kám-tsîng kám ū kiat-kó
若無愛
nā bô ài
敢有退路
kám ū thè-lōo
多情多風波
to-tsîng to hong-pho
日日有你的熱情
ji̍t-ji̍t ū lí ê jia̍t-tsîng
心起起落落
sim khí-khí-lo̍h-lo̍h
夜夜驚你的冷淡
iā-iā kiann lí ê líng-tām
夢顛顛倒倒
bāng tian-tian-tó-tó
仝款的一條情路
kāng-khuán ê tsi̍t-tiâu tsîng-lōo
我總是辛辛苦苦
guá tsóng-sī sin-sin-khóo-khóo
才會得著你的全部
tsiah ē tit-tio̍h lí ê tsuân-pōo
