痴情雨
《痴情雨》Tshi-tsîng Hōo
翁立友Ang Li̍p-iú
——————————————
你是毋願束縛自由的風
lí sī m̄-guān sok-pa̍k tsū-iû ê hong
阮的心總是盼無你行蹤
gún ê sim tsóng-sī phàn bô lí hîng-tsong
隨你來去的跤步
suî lí lâi-khì ê kha-pōo
每一擺短暫相逢
muí tsi̍t-pái tuán-tsiām siong-hông
有你陪
ū lí puê
偌濟時間攏滿足
guā-tsuē sî-kan lóng buán-tsiok
阮是一陣為你痴情的雨
gún sī tsi̍t-tsūn uī lí tshi-tsîng ê hōo
輕輕落
khin-khin lo̍h
每一滴攏是思慕
muí tsi̍t-tih lóng-sī su-bōo
漫天飄落的信號
bān-thinn phiau lo̍h ê sìn-hō
一份真心的企圖
tsi̍t-hūn tsin-sim ê khì-tôo
望你行入阮心目中
bāng lí kiânn-ji̍p gún sim-bo̍k-tiong
不再漂浪
put-tsài phiau-lōng
痴情雨若落
tshi-tsîng hōo nā lo̍h
阮徛踮雨中
gún khiā tiàm hōo-tiong
等待有你的幸福
tán-thāi ū lí ê hīng-hok
感情的路途
kám-tsîng ê lōo-tôo
毋願你孤單一人
m̄-guān lí koo-tuann tsi̍t-lâng
吞寂寞的苦
thun tsi̍k-bo̍k ê khóo
痴情雨若落
tshi-tsîng hōo nā lo̍h
淋佇阮面容
lâm tī gún bīn-iông
感受有你的快樂
kám-siū ū lí ê khuài-lo̍k
等一段結局
tán tsi̍t-tuānn kiat-kio̍k
網一个約束
bāng tsi̍t-ê iok-sok
踮痴情雨內面
tiàm tshi-tsîng hōo lāi-bīn
牽你行仝路
khan lí kiânn kāng lōo
