用情
《用情》Iōng Tsîng
翁立友Ang Li̍p-iú
——————————————
為你寫兩人的歌
uī lí siá nn̄g-lâng ê kua
做咱的紀念
tsuè lán ê kì-liām
證明阮的用心只有你
tsìng-bîng gún ê iōng-sim tsí-ū lí
只要有你佇身邊
tsí-iàu ū lí tī sin-pinn
毋免誓言做證據
m̄-bián sè-giân tsuè tsìng-kì
唯一予你我一片痴情
uî-it hōo lí guá it-phiàn tshi-tsîng
你是一粒星
lí sī tsi̍t-lia̍p tshinn
指引我的真感情
tsí-ín guá ê tsin kám-tsîng
阮的一生若無你
gún ê it-sing nā bô lí
留佇世間啥路用
lâu tī sè-kan siánn lōo-īng
用情愈深
iōng tsîng jú tshim
心愈驚來失去你
sim jú kiann lâi sit-khì lí
你佇阮心內
lí tī gún sim-lāi
無人會當代替你
bô-lâng ē-tàng tāi-thè lí
用情愈深
iōng tsîng jú tshim
心愈驚有一工你若離開
sim jú kiann ū tsi̍t-kang lí nā lī-khui
所有一切
sóo-ū it-tshè
只有暗淡不再閃爍
tsí-ū àm-tām put-tsài siám-sih
