最愛的人
https://www.youtube.com/watch?v=xtX2m_9mAiA
《最愛的人》Tsuè Ài ê Lâng
翁立友 Ang Li̍p-iú
——————————————
下昏暗小雨
ing-àm sió-hōo
一直落袂離
it-ti̍t lo̍h buē-lī
野鳥亂亂啼
iá-tsiáu luān-luān thî
為啥物為啥物
uī-siánn-mih, uī-siánn-mih
思念的心
su-liām ê sim
予我疼規暝
hōo guá thiànn kui-mî
等到油桐花開的時陣
tán-kàu iû-tâng-hue khui ê sî-tsūn
你敢會閣記著阮
lí kám ē koh kì tio̍h gún
滿山落葉
muá-suann lo̍h-hio̍h
陪伴無奈的男兒
puê-phuānn bô-nāi ê lâm-jî
緣份若是親像一張紙
iân-hūn nā-sī tshin-tshiūnn tsi̍t-tiunn tsuá
遮薄遮無奈
tsiah po̍h tsiah bô-nāi
思念你的心情
su-liām lí ê sim-tsîng
親像溪水
tshin-tshiūnn khe-tsuí
慢慢流落海
bān-bān lâu lo̍h hái
今夜的雨
kim-iā ê hōo
又閣一直落
iū-koh it-ti̍t lo̍h
毋管千年抑萬年
m̄-kuán tshian-nî ia̍h bān-nî
相信無人像我
siong-sìn bô-lâng tshiūnn guá
對你遐情深
tuì lí hiah tsîng tshim
你是我用性命最愛的人
lí sī guá iōng sìnn-miā tsuè ài ê lâng
偏偏揣無你是走去佗位藏
phian-phian tshuē-bô lí sī tsáu-khì tó-uī tshàng
傷心的酒
siong-sim ê tsiú
陪我啉也啉袂完
puê guá lim iā lim buē uân
是你啉茫
sī lí lim bâng
才會傷阮遮爾重
tsiah-ē siong gún tsiah-nī tāng
月娘也怨嘆
gue̍h-niû iā uàn-thàn
流星也無望
liû-tshinn iā bô-bāng
為你一世一生
uī lí it-sè it-sing
目屎流袂完
ba̍k-sái lâu buē uân
