上媠的伴
《上媠的伴》Siōng Suí ê Phuānn
翁立友Ang Li̍p-iú
——————————————
愛你將你疼入心肝
ài lí tsiong lí thiànn ji̍p sim-kuann
面對海焦石頭爛
bīn-tuì hái ta tsio̍h-thâu nuā
毋驚未來風湧有偌大
m̄-kiann bī-lâi hong-íng ū guā tuā
仝款將你惜命命
kāng-khuán tsiong lí sioh-miā-miā
管伊天地有偌闊
kuán-i thinn-tē ū guā khuah
這條情路偌歹行
tsit tiâu tsîng-lōo guā pháinn-kiânn
我嘛毋願看著你
guá mā m̄-guān khuànn-tio̍h lí
傷心孤單
siong-sim koo-tuann
就算愛你
tiō-sǹg ài lí
是一種無期的審判
sī tsi̍t-tsióng bû-kî ê sím-phuànn
我也甘願為著你
guá iā kam-guān uī-tio̍h lí
千刀割心肝
tshian to kuah sim-kuann
就算疼你
tiō-sǹg thiànn lí
是一種無限的折磨
sī tsi̍t-tsióng bû-hān ê tsiat-buâ
我也甘願忍受風冷雨寒
guá iā kam-guān jím-siū hong líng hōo kuânn
用心的未來
iōng-sim ê bī-lâi
一杯幸福滿滿
tsi̍t-pue hīng-hok muá-muá
你是我今生來世
lí sī guá kim-sing lâi-sè
上媠的伴
siōng suí ê phuānn
