拚命的堅持
《拚命的堅持》Piànn-miā ê Kian-tshî
翁立友Ang Li̍p-iú
——————————————
熱情的男兒
jia̍t-tsîng ê lâm-jî
滿腹的勇氣
muá-pak ê ióng-khì
身軀揹著責任佮道義
sin-khu phāinn tio̍h tsik-jīm kah tō-gī
四季無分日抑暝
sù-kuì bô hun ji̍t ia̍h mî
風雨無分好歹天
hong-hōo bô hun hó-pháinn thinn
家庭的支持
ka-tîng ê tsi-tshî
社會的人情味
siā-huē ê jîn-tsîng-bī
予我付出仝心仝理
hōo guá hù-tshut kāng-sim kāng-lí
看命運咧創治
khuànn miā-ūn teh tshòng-tī
堅定無放棄
kian-tīng bô hòng-khì
望逐家會團圓
bāng ta̍k-ke ē thuân-înn
勇敢就是志氣
ióng-kám tiō-sī tsì-khì
困難攏無推辭
khùn-lân lóng bô the-sî
咱就是好兄弟
lán tiō-sī hó-hiann-tī
用仝款的心
iōng kāng-khuán ê sim
獻出咱的情義
hiàn-tshut lán ê tsîng-gī
雖然無人會記咱的名字
sui-jiân bô-lâng ē-kì lán ê miâ-jī
嘛袂當來阻擋
mā buē-tàng lâi tsóo-tòng
咱拚命咧堅持
lán piànn-miā teh kian-tshî
