我做你的靠山
《我做你的靠山》Guá Tsò Lí ê Khò-suann
翁立友 Ang Li̍p-iú
——————————————
毋通驚艱苦
m̄-thang kiann kan-khóo
咱著做陣行
lán tio̍h tsuè-tīn kiânn
正義路上
tsìng-gī lōo-siōng
我是你的伴
guá sī lí ê phuānn
跤步踏予正
kha-pōo ta̍h hōo tsiànn
攑頭向天看
gia̍h-thâu hiòng thinn khuànn
好名聲留予人探聽
hó miâ-siann lâu hōo-lâng thàm-thiann
雖然風雨大
sui-jiân hong-hōo tuā
有你陪伴袂孤單
ū lí puê-phuānn buē koo-tuann
鬥陣唱出勇者的歌
tàu-tīn tshiùnn-tshut ióng-tsiá ê kua
我做你的靠山
guá tsuè lí ê khò-suann
偌濟困難攏毋驚
guā-tsuē khùn-lân lóng m̄-kiann
為你流汗無算啥
uī lí lâu-kuānn bô sǹg siánn
我做你的靠山
guá tsuè lí ê khò-suann
你的交仗我來擔
lí ê kau-tiōng guá lâi tann
一句感謝溫暖阮心肝
tsi̍t-kù kám-siā un-luán gún sim-kuann
