阿爸
《阿爸》A-pa
袁小迪Uân Sió-ti̍k
——————————————
天頂冷冷的月
thinn-tíng líng-líng ê gue̍h
桌頂燒燒的茶
toh-tíng sio-sio ê tê
怎樣身邊無阿爸通陪
tsuánn-iūnn sin-pinn bô a-pa thang puê
過去咱定定佇遮坐規暝
kuè-khì lán tiānn-tiānn tī tsia tsē kui-mê
嘻嘻哈哈的大大細細
hi-hi-ha-ha ê tuā-tuā-sè-sè
聽你講笑詼
thiann lí kóng tshiò-khue
阿爸你這馬
a-pa lí tsit-má
敢有過了好勢
kám ū kuè liáu hó-sè
阮對你的思念
gún tuì lí ê su-liām
猶原遐爾濟
iû-guân hiah-nī tsē
你講的每句話
lí kóng ê muí kù uē
阮攏會記踮心肝底
gún lóng ē kì tiàm sim-kuann-té
為阮付出的心血
uī gún hù-tshut ê sim-hiat
無人會當代替
bô-lâng ē-tàng tāi-thè
你晟養的這个家
lí tshiânn-ióng ê tsit ê ke
因為你才有代價
in-uī lí tsiah ū tāi-kè
這馬想欲愛你
tsit-má siūnn-beh ài lí
煞全然無機會
suah tsuân-jiân bô ki-huē
