缺角的茶甌
《缺角的茶甌》Khih-kak ê Tê-au
荒山亮 Hong-san Liāng
——————————————
真正體會爸母心
tsin-tsiànn thé-huē pē-bú sim
佇做人序大了後
tī tsuè lâng sī-tuā liáu-āu
向望你會得人疼
ǹg-bāng lí ē tit-lâng-thiànn
進退倫理著記予牢
tsìn-thè lûn-lí tio̍h kì hōo tiâu
希望娶著好牽手
hi-bāng tshuā-tio̍h hó khan-tshiú
希望嫁入好人兜
hi-bāng kè ji̍p hó lâng-tau
大家丈人是爸母
ta-ke tiūnn-lâng sī pē-bú
真心對待愛知有孝
tsin-sim tuì-thāi ài tsai iú-hàu
做人難免有缺點
tsuè-lâng lân-bián ū khuat-tiám
親像缺角的茶甌
tshin-tshiūnn khih-kak ê tê-au
若換一个角度看
nā uānn tsi̍t-ê kak-tōo khuànn
斟茶仝款好落喉
thîn tê kāng-khuán hó lo̍h-âu
做人誠懇上要緊
tsuè-lâng sîng-khún siōng iàu-kín
毋通只有看外表
m̄-thang tsí-ū khuànn guā-piáu
面對錯誤愛改進
bīn-tuì tshò-gōo ài kái-tsìn
莫閣牽拖揣借口
mài koh khan-thua tshuē tsioh-kháu
冤來冤去無必要
uan lâi uan khì bô pit-iàu
翁某仝心莫計較
ang-bóo kāng-sim mài kè-kàu
無人天生就完美
bô-lâng thian-sing tiō uân-bí
咱攏是缺角的茶甌
lán lóng-sī khih-kak ê tê-au
