籤詩
《籤詩》Tshiam-si
袁小迪Uân Sió-ti̍k
——————————————
一句一字
tsi̍t-kù tsi̍t-jī
攏有意義
lóng ū ì-gī
毋管伊是代表啥物
m̄-kuán i sī tāi-piáu siánn-mih
緣份毋是三兩字
iân-hūn m̄-sī sann-nn̄g-jī
代表一切的意義
tāi-piáu it-tshè ê ì-gī
真心講出一句我愛你
tsin-sim kóng-tshut tsi̍t-kù guá ài lí
想欲安慰你的空虛
siūnn-beh an-uì lí ê khang-hi
乞求陪踮你的身邊
khit-kiû puê tiàm lí ê sin-pinn
相信我愛你的心
siong-sìn guá ài lí ê sim
毋免用紙筆表示
m̄-bián iōng tsuá-pit piáu-sī
情深愛你千年萬年
tsîng tshim ài lí tshian-nî bān-nî
有緣無份註定分離
ū iân bô hūn tsù-tiānn hun-lî
你講籤詩有伊的意義
lí kóng tshiam-si ū i ê ì-gī
痴心對你
tshi-sim tuì lí
為何會變成咧做戲
uī-hô ē piàn-sîng teh tsuè-hì
心若離
sim nā lî
情若死
tsîng nā sí
親像野鳥吼規暝
tshin-tshiūnn iá-tsiáu háu kui-mî
痴情輸予籤詩
tshi-tsîng su hōo tshiam-si
