為你痴迷
《為你痴迷》Uī Lí Tshi-bê
荒山亮Hong-san Liāng
———————————
想起過去彼段
siūnn-khí kuè-khì hit-tuānn
輕輕牽著你
khin-khin khan-tio̍h lí
行過的心酸苦疼
kiânn-kuè ê sim-sng khóo-thiànn
無奈的命運來拖磨
bô-nāi ê miā-ūn lâi thua-buâ
無情的風
bô-tsîng ê hong
吹入你的心肝
tshue ji̍p lí ê sim-kuann
啥人知影
siánn-lâng tsai-iánn
咱會怎樣來收煞
lán ē tsuánn-iūnn lâi siu-suah
.
當初時的情歌
tong-tshue-sî ê tsîng-kua
愈唱心愈寒
jú tshiùnn sim jú kuânn
越頭看無你形影
ua̍t-thâu khuànn-bô lí hîng-iánn
未完成的雙人歌聲
bī uân-sîng ê siang-lâng kua-siann
徘徊佇風中無依無倚
pâi-huê tī hong tiong bô-i-bô-uá
誰的感情吹焦
sia̋ng ê kám-tsîng tshue ta
換來的是無盡的孤單
uānn-lâi–ê sī bû-tsīn ê koo-tuann
.
你就是我這生得袂著的
lí tiō-sī guá tsit-sinn tit-bē-tio̍h–ê
為何我的愛為你咧踅
uī-hô guá ê ài uī lí teh se̍h
毋知影通反悔
m̄ tsai-iánn thang huán-hué
過去的一切
kuè-khì ê it-tshè
敢猶有重頭的機會
kám iáu-ū tîng-thâu ê ki-huē
我猶原甘願為你癡迷
guá iu-guân kam-guān uī lí tshi-bê
