拆破的愛
《拆破的愛》Thiah-phuà ê Ài
袁小迪Uân Sió-ti̍k
——————————————
你眼中的希望
lí gán-tiong ê hi-bāng
穿一軀新娘衫
tshīng tsi̍t-su sin-niû-sann
予你穿起來
hōo lí tshīng–khí-lâi
你就毋甘換
lí tiō m̄-kam uānn
當做你的新性命
tòng-tsuè lí ê sin sìnn-miā
你看著的繁華
lí khuànn-tio̍h ê huân-huâ
像彩色的譀鏡
tshiūnn tshái-sik ê hàm-kiànn
你的心放大
lí ê sim hòng-tuā
你的夢變卦
lí ê bāng piàn-kuà
將我趕出你的心肝
tsiong guá kuánn tshut lí ê sim-kuann
等到你欲哭欲啼
tán-kàu lí beh-khàu beh-thî
來離開
lâi lī-khui
我閣愛裝著笑容
guá koh ài tsng tio̍h tshiò-iông
祝福你
tsiok-hok lí
是毋是落魄的靈魂
sī-m̄-sī lo̍k-phik ê lîng-hûn
無愛就註定該死
bô ài tiō tsù-tiānn kai-sí
全然無帶念現在佮過去
tsuân-jiân bô tài-liām hiān-tsāi kah kuè-khì
放我的心予針一直揻
pàng guá ê sim hōo tsiam it-ti̍t ui
雄雄你來反面無情
hiông-hiông lí lâi huán-bīn bô-tsîng
比裂紙較緊
pí liah tsuá khah-kín
拆破咱的愛情
thiah-phuà lán ê ài-tsîng
—
敢愛跋遮大
kám ài pua̍h tsiah tuā
舞甲無法度通收煞
bú kah bô-huat-tōo thang siu-suah
伸勼已經攏無路
tshun-kiu í-king lóng bô-lōo
一聲就欲叫阮擔輸贏
tsi̍t-siann tiō beh kiò gún tam-su-iânn
