紅塵情愛一場夢
《紅塵情愛一場夢》Hông-tîn Tsîng-ài Tsi̍t-tiûnn Bāng
袁小迪Uân Sió-ti̍k
——————————————
青春
tshing-tshun
是一杯迷人的酒
sī tsi̍t-pue bê-lâng ê tsiú
啉落去
lim–lo̍h-khì
敢會當解憂愁
kám ē-tàng kái iu-tshiû
你像青春遐爾溫柔
lí tshiūnn tshing-tshun hiah-nī un-jiû
予我日思暝也想
hōo guá ji̍t-su mî iā siūnn
歲月
suè-gua̍t
是一首悲情的歌
sī tsi̍t-siú pi-tsîng ê kua
唱出男兒的心聲
tshiùnn-tshut lâm-jî ê sim-siann
時間無情
sî-kan bô-tsîng
引阮心疼
ín gún sim thiànn
一生滄桑是註定
it-sing tshong-song sī tsù-tiānn
啊~紅塵情愛一場夢
ah~ hông-tîn tsîng-ài tsi̍t-tiûnn bāng
愛恨交加
ài-hūn kau-ka
最後是虛空
tsuè-āu sī hi-khang
任由青春歲月
jīm iû tshing-tshun suè-gua̍t
如流沙斷送
jû liû-sa tuān-sàng
一生只為你一人
it-sing tsí uī lí tsi̍t-lâng
啊~紅塵情愛一場夢
ah~ hông-tîn tsîng-ài tsi̍t-tiûnn bāng
富貴名利
hù-kuì miâ-lī
轉眼變成空
tsuán-gán piàn-sîng khang
行過人生感情的春夏秋冬
kiânn kuè jîn-sing kám-tsîng ê tshun-hā tshiu-tang
最後結局
tsuè-āu kiat-kio̍k
也是孤獨一个人
iā-sī koo-to̍k tsi̍t-ê-lâng
—
最後結局
tsuè-āu kiat-kio̍k
也是孤獨一个人
iā-sī koo-to̍k tsi̍t-ê-lâng
