等無一句我愛你
《等無一句我愛你》Tán Bô Tsi̍t-kù Guá Ài Lí
袁小迪Uân Sió-ti̍k
——————————————
感情漸漸無味
kám-tsîng tsiām-tsiām bô-bī
揣無早日的纏綿
tshuē-bô tsá-ji̍t ê tînn-mî
敢講你已經來變心
kám-kóng lí í-king lâi piàn-sim
過去情話綿綿
kuè-khì tsîng-uē mî-mî
如今變甲冷冰冰
jû-kim piàn kah líng ping-ping
你敢是從此欲離開
lí kám-sī tsiông-tshú beh lī-khui
等無一句我愛你
tán bô tsi̍t-kù guá ài lí
已經全部獻予你
í-king tsuân-pōo hiàn hōo lí
只有你
tsí-ū lí
會當解消心稀微
ē-tàng kái-siau sim hi-bî
等無一句我愛你
tán bô tsi̍t-kù guá ài lí
阮的心內只有你
gún ê sim-lāi tsí-ū lí
希望你
hi-bāng lí
會當轉來阮身邊
ē-tàng tńg-lâi gún sin-pinn
真愛遙遠迷離
tsin-ài iâu-uán bê-lî
編織美夢袂閣圓
pian-tsit bí-bāng buē koh înn
這敢是命運的凌遲
tse kám-sī miā-ūn ê lîng-tî
