鬥陣兄弟
《鬥陣兄弟》Tàu-tīn Hiann-tī
袁小迪Uân Sió-ti̍k
郭東聖Kueh Tong-sìng
——————————————
真歡喜來熟似你
tsin huann-hí lâi si̍k-sāi lí
對朋友到做兄弟
tuì pîng-iú kàu tsuè hiann-tī
燒酒雄雄啉落去
sio-tsiú hiông-hiông lim–lo̍h-khì
咱是有情也有義
lán sī ū-tsîng iā ū-gī
行在人生的這條路
kiânn tsāi jîn-sing ê tsit tiâu lōo
難免會拄著風雨
lân-bián ē tú-tio̍h hong-hōo
有你支持相照顧
ū lí tsi-tshî sio tsiàu-kòo
相信天也會來助
siong-sìn thinn iā ē lâi tsōo
啊~今生咱做兄弟
ah~ kim-sing lán tsuè hiann-tī
人生有意義
jîn-sing ū ì-gī
互相鼓勵鬥扶持
hōo-siong kóo-lē tàu hû-tshî
免講感謝這兩字
bián-kóng kám-siā tse nn̄g-jī
啊~今生咱做兄弟
ah~ kim-sing lán tsuè hiann-tī
有我就有你
ū guá tiō ū lí
認真拍拚免失志
jīn-tsin phah-piànn bián sit-tsì
鬥陣拚出咱的天
tàu-tīn piànn tshut lán ê thinn
