煞
《煞》Suah
孫淑媚Sun Siok-bī
全聯先生Tsuân-liân Sian-senn
——————————————
冷風吹心肝
líng-hong tshue sim-kuann
毋管怎樣吹
m̄-kuán tsuánn-iūnn tshue
吹袂走你的形影
tshue buē tsáu lí ê hîng-iánn
如今愛到遮
jû-kim ài kàu tsia
寸步難行的情路
tshùn-pōo lân-hîng ê tsîng-lōo
阮只好認命
gún tsí-hó jīn-miā
想欲放袂記
siūnn-beh pàng buē-kì
兩人錯誤彼一段
nn̄g-lâng tshò-gōo hit tsi̍t-tuānn
結束的戀歌
kiat-sok ê luân-kua
回頭閣聽心愈疼
huê-thâu koh thiann sim jú thiànn
勉強來做伴
bián-kióng lâi tsuè-phuānn
感情永遠袂當靠岸
kám-tsîng íng-uán buē-tàng khò-huānn
何必閣再搬
hô-pit koh-tsài puann
劇情愈長愈拖磨
kio̍k-tsîng jú tn̂g jú thua-buâ
甘願煞煞煞
kam-guān suah suah suah
趁早看破
thàn-tsá khuànn-phuà
闊闊闊
khuah khuah khuah
心較快活
sim khah khuìnn-ua̍h
倔強的我
ku̍t-kiông ê guá
甘願傷心一个人孤單
kam-guān siong-sim tsi̍t-ê-lâng koo-tuann
心頭亂亂亂
sim-thâu luān luān luān
亂阮心情
luān gún sim-tsiânn
煩煩煩
huân huân huân
嘛無較縒
mā bô-khah-tsua̍h
所有結局予阮來承擔
sóo-ū kiat-kio̍k hōo gún lâi sîng-tam
請你離開我
tshiánn lí lī-khui guá
↓↓(RAP)—(RAP)—(RAP)↓↓
一句山盟海誓無你我袂活
tsi̍t-kù san-bîng-hái-sè bô lí guá buē ua̍h
愛你愛甲吃不下
ài lí ài kah chī bù xià
睡不著
shuì bù zháo
頭昏又眼花
tóuhūn yòu yiǎnhuā
阮的心疼毋是發?仔
gún ê sim thiànn m̄-sī huat thiāu-á
好好去就準煞
hó-hó khì tiō tsún suah
閣一擺愛愛我
koh tsi̍t-pái àiài wǒ
閣一擺抱抱我
koh tsi̍t-pái bàobào wǒ
你的面親像花
lí ê bīn tshin-tshiūnn hue
看著你我的心咧飛
khuànn-tio̍h lí guá ê sim teh pue
既然緣份將你我來縛做伙
kì-jiân iân-hūn tsiong lí guá lâi pa̍k tsuè-hué
請拜託
tshiánn pài-thok
上帝阿門菩薩佮阿拉
Shàngdì āmén Phôo-sat kah Ālā
予咱一世人永遠做伙
hōo lán tsi̍t-sì-lâng íng-uán tsuè-hué
永遠攏袂煞
íng-uán lóng buē suah
煞煞煞
suah suah suah
↑↑(RAP)—(RAP)—(RAP)↑↑
—
請你離開我
tshiánn lí lī-khui guá
請你離開我
tshiánn lí lī-khui guá
