無情世界多情人
《無情世界多情人》Bô-tsîng Sè-kài To-tsîng-jîn
高勝美Ko Sìng-bí
——————————————
感情行到
kám-tsîng kiânn kàu
這款的地步
tsit khuán ê tē-pōo
進退兩難揣無路
tsìn-thuè lióng-lân tshuē-bô lōo
明知是錯誤
bîng-tsai sī tshò-gōo
偏偏慢覺悟
phian-phian bān kak-ngōo
愛你恨你攏是苦
ài lí hūn lí lóng-sī khóo
交予你
kau hōo lí
阮一生的全部
gún it-sing ê tsuân-pōo
情路煞來分兩途
tsîng-lōo suah lâi hun nn̄g-tôo
未來的風雨
bī-lâi ê hong-hōo
無人來看顧
bô-lâng lâi khuànn-kòo
夢碎心破誰來補
bāng tshuì sim phuà siáng lâi póo
甘願醉予茫茫毋知人
kam-guān tsuì hōo bâng-bâng m̄-tsai-lâng
上驚清醒
siōng kiann tshing-tshínn
面澹目箍紅
bīn tâm ba̍k-khoo âng
夜深的風寒雨水凍
iā-tshim ê hong-kuânn hōo-tsuí tàng
為何有緣袂成雙
uī-hô ū-iân buē sîng-siang
甘願醉予茫茫毋敢望
kam-guān tsuì hōo bâng-bâng m̄-kánn bāng
袂堪寂寞每日來刺探
buē kham tsi̍k-bo̍k muí-ji̍t lâi tshì-thàm
紅塵夢較媠也是空
hông-tîn bāng khah suí iā-sī khang
無情世界多情人
bô-tsîng sè-kài to-tsîng lâng
