愛你一千一萬年
《愛你一千一萬年》Ài Lí Tsi̍t-tshing Tsi̍t-bān Nî
孫淑媚Sun Siok-bī
王識賢Ông Sik-hiân
———————————-
戀愛的心情像春天
luân-ài ê sim-tsîng tshiūnn tshun-thinn
吹著春風就會醉
tshue-tio̍h tshun-hong tiō ē tsuì
綿綿情話寄予你
mî-mî tsîng-uē kià hōo-lí
按怎對你講出喙
án-tsuánn tuì lí kóng tshut-tshuì
戀愛的滋味酸甘甜
luân-ài ê tsu-bī sng-kam-tinn
搧著冬風也願意
siàn-tio̍h tang-hong iā guān-ì
送你一蕊紅玫瑰
sàng lí tsi̍t-luí âng muî-kuì
代表阮的真情意
tāi-piáu gún ê tsin tsîng-ì
啊~ 愛阮著愛講出喙
ah~ ài gún tio̍h-ài kóng tshut-tshuì
趁著今夜月光圓
thàn-tio̍h kim-iā gue̍h-kng înn
聲聲句句我愛你
siann-siann-kù-kù guá ài lí
天星月娘伴相隨
thinn-tshinn gue̍h-niû phuānn siong-suî
啊~ 愛阮毋通三心兩意
ah~ ài gún m̄-thang sam-sim-lióng-ì
等待花開的春天
tán-thāi hue khui ê tshun-thinn
你是永遠的花蕊
lí sī íng-uán ê hue-luí
阮愛你一千一萬年
gún ài lí tsi̍t-tshing tsi̍t-bān nî
情深深意綿綿
tsîng tshim-tshim, ì mî-mî
愛你一千一萬年
ài lí tsi̍t-tshing tsi̍t-bān nî
阮愛你一千一萬年
gún ài lí tsi̍t-tshing tsi̍t-bān nî
