心疼
《心疼》Sim Thiànn
孫協志Sun Hia̍p-tsì
林曉君Lîm Hiáu-kun
——————————————
女)
昨暝落的一陣雨
tsa-mî lo̍h ê tsi̍t-tsūn hōo
將咱的愛情
tsiong lán ê ài-tsîng
淋甲澹糊糊
lâm kah tâm-kôo-kôo
已經予你傷害的心
í-king hōo lí siong-hāi ê sim
敢講你完全攏看無
kám-kóng lí uân-tsuân lóng khuànn-bô
男)
心內想著
sim-lāi siūnn tio̍h
真艱苦
tsin kan-khóo
若無你對我的照顧
nā bô lí tuì guá ê tsiàu-kòo
未來日子
bī-lâi ji̍t-tsí
我欲按怎是好
guá beh án-tsuánn sī hó
女)
是你予阮一場夢
sī lí hōo gún tsi̍t-tiûnn bāng
嘛是你將阮的夢變成空
mā sī lí tsiong gún ê bāng piàn-sîng khang
過去對你用心疼痛
kuè-khì tuì lí iōng-sim thiànn-thàng
哪會只賰阮一人
ná ē tsí tshun gún tsi̍t-lâng
男)
你講起來真輕鬆
lí kóng–khí-lâi tsin khin-sang
希望我會當將你放
hi-bāng guá ē-tàng tsiong lí pàng
心內是你
sim-lāi sī lí
欲如何閣愛別人
beh jû-hô koh ài pa̍t-lâng
合)
最後的一幫火車
tsuè-āu ê tsi̍t-pang hué-tshia
阮孤單毋敢哭出聲
gún koo-tuann m̄-kánn khàu tshut-siann
窗外的雨一陣一陣
thang-guā ê hōo tsi̍t-tsūn-tsi̍t-tsūn
攏充滿你的形影
lóng tshiong-buán lí ê hîng-iánn
最後的一幫火車
tsuè-āu ê tsi̍t-pang hué-tshia
傷心到何時才會煞
siong-sim kàu hô-sî tsiah ē suah
行過的路
kiânn–kuè ê lōo
一站一站
tsi̍t-tsām tsi̍t-tsām
每一站
muí tsi̍t-tsām
攏是心疼
lóng-sī sim thiànn
