對手
《對手》Tuì-tshiú
高向鵬Ko Hiòng-phîng
——————————————
評審利劍的目睭
phîng-sím lāi-kiàm ê ba̍k-tsiu
選出真濟高手
suán-tshut tsin tsuē ko-tshiú
全力研究
tsuân-li̍k gián-kiù
一心為歌唱
it-sim uī kua-tshiùnn
毋願放手
m̄-guān pàng-tshiú
望欲一支獨秀
bāng bueh it-ki to̍k-siù
過關斬將對手
kuè-kuan tsám-tsiòng tuì-tshiú
為欲親像別人成就
uī bueh tshan-tshiūnn pa̍t-lâng sîng-tsiū
學了好模樣
o̍h liáu hó bôo-iūnn
歌聲舞影暗會上場
kua-siann bú-iánn àm-huē tsiūnn-tiûnn
認真歌來唱
jīn-tsin kua lâi tshiùnn
藝界生涯也有對手
gē-kài sing-gâi iā ū tuì-tshiú
若像拚戰場
ná-tshiūnn piànn tsiàn-tiûnn
徛好立場佮主張
khiā hó li̍p-tiûnn kah tsú-tiunn
江湖規矩毋認輸
kang-ôo kui-kí m̄ jīn-su
莫輕浮提出本事
mài khin-phû the̍h tshut pún-sū
會當做著
ē-tàng tsuè tio̍h
上出名的歌手
siōng tshut-miâ ê kua-tshiú
