勇敢的查某囝
《勇敢的查某囝》Ióng-kám ê Tsa-bóo-kiánn
孫翠鳳 Sun Tshuì-hōng
——————————————
面帶春風搬戲悾
bīn tài tshun-hong puann-hì khong
人生在夢中
jîn-sing tsāi bāng-tiong
越頭行來的跤步
ua̍t-thâu kiânn–lâi ê kha-pōo
笑笑換悲傷
tshiò-tshiò uānn pi-siong
想著難忘的往事
siūnn tio̍h lân-bōng ê óng-sū
鑼鼓響叮噹
lô-kóo hiáng tin-tong
心若連枝花蕊開
sim nā liân-ki hue-luí khui
堅強上蓋水
kian-kiông siōng kài suí
我身騎白馬過山嶺
guá sin khiâ pe̍h-bé kuè suann-niá
攏毋驚風雨向前行
lóng m̄-kiann hong-ú hiòng tsiân kiânn
故鄉是我母親的名
kòo-hiong sī guá bú-tshin ê miâ
我就是勇敢的查某囝
guá tiō-sī ióng-kám ê tsa-bóo-kiánn
