黃昏之戀
《黃昏之戀》Hông-hun tsi Luân
胡美紅Oô Bí-hông
——————————————
初次雙人來相會
tshoo-tshù siang-lâng lâi siong-huē
黃昏的橋頂
hông-hun ê kiô-tíng
陣陣小雨毛毛滴
tsūn-tsūn sió-hōo mn̄g-mn̄g tih
規晡落袂停
kui-poo lo̍h buē thîng
為著阮寶貴愛情
uī-tio̍h gún pó-kuì ài-tsîng
毋驚雨水冷
m̄-kiann hōo-tsuí líng
這款敢是來叫做
tsit khuán kám sī lâi kiò-tsuè
初戀的熱情
tshoo-luân ê jia̍t-tsîng
行入花園水池邊
kiânn ji̍p hue-hn̂g tsuí-tî pinn
雙人坐做堆
siang-lâng tsē tsuè-tui
草木青翠鬥人意
tsháu-bo̍k tshinn-tshuì tàu-lâng-ì
好花當咧開
hó-hue tng teh khui
心內的溫存情話
sim-lāi ê un-tsûn tsîng-uē
並無講出喙
pīng bô kóng tshut-tshuì
含情帶意真古錐
hâm-tsîng tài-ì tsin kóo-tsui
目睭閣微微
ba̍k-tsiu koh bui-bui
每擺看伊真誠意
muí-pái khuānn i tsin sîng-ì
純情來對阮
sûn-tsîng lâi tuì gún
想欲決意坦白來
siūnn-bueh kua̍t-ì thán-pi̍k lâi
對伊來求婚
tuì i lâi kiû-hun
有時陣一心想欲
ū-sî-tsūn tsi̍t-sim siūnn beh
一心想無允
tsi̍t-sim siūnn bô ún
心頭煩悶有時陣
sim-thâu huân-būn ū-sî-tsūn
想到日黃昏
siūnn kàu ji̍t hông-hun
