註定
《註定》Tsù-tiānn
風采輪 Hong-tshái Lûn
—————————-
落雨聲 滴心肝
lo̍h-hōo siann, tih sim-kuann
陣陣寂寞毋敢聽
tsūn-tsūn tsi̍k-bo̍k m̄-kánn thiann
過去的夢
kuè-khì ê bāng
兩人相倚
nn̄g-lâng sio-uá
心內猶原是牽掛
sim-lāi iu-guân sī khian-kuà
.
紅葉飛 愁滿地
âng-hio̍h pue, siû muá-tē
思思念念無痕跡
su-su-liām-liām bô hûn-jiah
世間的情
sè-kan ê tsîng
敢講永遠是註定
kám-kóng íng-uán sī tsù-tiānn
啥人了解阮心情
siánn-lâng liáu-kái gún sim-tsiânn
.
越頭看歲月變化
ua̍t-thâu khuànn suè-gua̍t piàn-huà
無奈一山過一山
bô-nāi tsi̍t suann kuè tsi̍t suann
緣份若風吹斷了線
iân-hūn ná hong-tshue tn̄g liáu suànn
.
為著你受盡風寒
uī-tio̍h lí siū tsīn hong-kuânn
只要有你通做伴
tsí-iàu ū lí thang tsuē-phuānn
紅塵路毋驚孤單
hông-tîn lōo m̄-kiann koo-tuann
.
揣你的名
tshuē lí ê miâ
揣你的影
tshuē lí ê iánn
期待相逢做陣行
kî-thāi siong-hông tsuē-tīn kiânn
.
落雨聲 滴心肝
lo̍h-hōo siann, tih sim-kuann
陣陣寂寞毋敢聽
tsūn-tsūn tsi̍k-bo̍k m̄-kánn thiann
世間的情
sè-kan ê tsîng
敢講永遠是註定
kám-kóng íng-uán sī tsù-tiānn
無人了解阮心情
bô-lâng liáu-kái gún sim-tsîng
