落花淚影
《落花淚影》Lo̍h-hue Luī-iánn(又名《花蕊望露》Hue-luí Bāng Lōo)
紀露霞 Kí Lōo-hâ
——————————————
愛情自本是甘露
ài-tsîng tsū-pún sī kam-lōo
為君前途放暗烏
uī kun tsiân-tôo pàng àm-oo
如今露去心情苦
jû-kim lōo khì sim-tsîng khóo
宛然花謝在荒埔
uán-jiân hue siā tsāi hong-poo
受風受雨
siū hong siū hōo
啊~破害才有的前途
ah~ phò-hāi tsiah ū ê tsiân-tôo
月光照在眠床墘
ge̍h-kng tsiò tsāi bîn-tshn̂g kînn
想著薄命哭規暝
siūnn-tio̍h po̍h-miā khàu kui-mî
環境迫咱拆分離
khuân-kíng pik lán thiah hun-lî
等待何時再團圓
tán-thāi hô-sî tsài thuân-înn
僥心郎君
hiau-sim lông-kun
啊~回鄉日子怎有期
ah~ huê-hiunn ji̍t-tsí tsuánn ū kî
怨嘆一層又一層
uàn-thàn tsi̍t-tsân iū tsi̍t-tsân
阮心只有君一人
gún sim tsí-ū kun tsi̍t-lâng
為咱幸福情願放
uī lán hīng-hok tsîng-guān pàng
一生甘願毋嫁翁
it-sing kam-guān m̄ kè-ang
碎心的花
tshuì-sim ê hue
啊~阮是落葉的花欉
ah~ gún sī lo̍h-hio̍h ê hue-tsâng
