花之歌
《花之歌》Hue tsi Kua
紀露霞Kí Lōo-hâ
——————————————
百花齊開色青紅
pah-hue tsuê khui sik tshinn-âng
親像甜蜜好眠夢
tshin-tshiūnn tinn-bi̍t hó bîn-bāng
含秧待放小花蕊
hâm-ng thāi-hòng sió hue-luí
正是阮的心情開
tsiànn-sī gún ê sim-tsîng khui
早時軟日夜露水
tsá-sî nńg-ji̍t iā lōo-tsuí
春雨也愛伊快開
tshun-hōo iā ài i khuài khui
蜜蜂蝴蝶無來採
bi̍t-phang ôo-tia̍p bô lâi tshái
送予情人愛
sàng hōo tsîng-jîn ài
涼風軟日花咧笑
liâng-hong nńg-ji̍t hue teh tshiò
大雨袂停花沃葉
tuā-hōo buē thîng hue ak hio̍h
早早暗暗攏眠夢
tsá-tsá àm-àm lóng bîn-bāng
毋知心思念幾項
m̄-tsai sim su-liām kuí hāng
黃紅青綠花十色
n̂g-âng tshinn-li̍k hue tsa̍p-sik
阮心思念幾十項
gún sim su-liām kuí-tsa̍p hāng
蜜蜂蝴蝶無來採
bi̍t-phang ôo-tia̍p bô lâi tshái
送予情人愛
sàng hōo tsîng-jîn ài
人講白花毋通採
lâng kóng pe̍h-hue m̄-thang tshái
伊是離別的目屎
i sī lī-pia̍t ê ba̍k-sái
紅花鮮媠較有靈
âng-hue tshinn suí khah ū-lîng
表示歡喜的心情
piáu-sī huann-hí ê sim-tsîng
鮮花又靠著被愛
tshinn-hue iū khò-tio̍h pī ài
阮是有示愛你知
gún sī ū sī-ài lí tsai
蜜蜂蝴蝶無來採
bi̍t-phang ôo-tia̍p bô lâi tshái
送予情人愛
sàng hōo tsîng-jîn ài
