清純二重奏
《清純二重奏》Tshing-sûn Jī-tiông-tsàu
紀露霞Kí Lōo-hâ
——————————————
雙人行到樹林邊
siang-lâng kiânn kàu tshiū-nâ pinn
無話通講起
bô uē thang kóng-khí
你我天涯的孤兒
lí guá thian-gâi ê koo-jî
想著珠淚滴
siūnn tio̍h tsu-luī tih
愈想愈悲愈稀微
jú siūnn jú pi jú hi-bî
叫著母名字
kiò tio̍h bú miâ-jī
只有小鳥引聲啼
tsí-ū sió-niáu ín siann thî
母親佗位去
bú-tshin tó-uī khì
你我可憐的孤兒
lí guá khó-liân ê koo-jî
行著樹林邊
kiânn tio̍h tshiū-nâ pinn
雖然你我在一起
sui-jiân lí guá tsāi-it-khí
手挽野花枝
tshiú bán iá-hue ki
花把欲送佗一位
hue-pé beh sàng tó tsi̍t-uī
好花挽一堆
hó hue bán tsi̍t-tui
只有一聲入阮耳
tsí-ū it-siann ji̍p gún hīnn
母親佗位去
bú-tshin tó-uī khì
春來燕鳥四邊飛
tshun lâi iàn-niáu sì-pinn hui
照來眼簾垂
tsiò lâi gán-liâm suî
無依無賴的孤兒
bô-i bô-lāi ê koo-jî
你我相安慰
lí guá siong an-uì
唱出歌聲珠吐水
tshiùnn-tshut kua-siann tsu thòo tsuí
搖動野花枝
iô-tāng iá-hue ki
天頂雲片也哭悲
thinn-tíng hûn-phìnn iā khàu pi
母親佗位去
bú-tshin tó-uī khì
