春夢不了情
《春夢不了情》Tshun-bāng Put-liáu-tsîng
胡美紅Oô Bí-hông
——————————————
免來心傷悲
bián lâi sim siong-pi
毋通來失志
m̄-thang lâi sit-tsì
好情義已經斷離
hó tsîng-gī í-king tuān-lî
哪著珠淚滴
ná tio̍h tsu-luī tih
初戀的情場失意
tshoo-luân ê tsîng-tiûnn sit-ì
何必再想起
hô-pit tsài siūnn-khí
總是忍耐等春天
tsóng-sī jím-nāi tán tshun-thinn
開花的時期
khui-hue ê sî-kî
免來心傷悲
bián lâi sim siong-pi
毋通來失志
m̄-thang lâi sit-tsì
一旦來拆散分離
it-tàn lâi thiah-suànn hun-lî
思念無了時
su-liām bô-liáu-sî
春夢是永遠難圓
tshun-bāng sī íng-uán lân înn
何必留戀伊
hô-pit liû-luân i
總是忍耐等春天
tsóng-sī jím-nāi tán tshun-thinn
開花的時期
khui-hue ê sî-kî
免來心傷悲
bián lâi sim siong-pi
毋通來失志
m̄-thang lâi sit-tsì
無緣的纏綿情義
bô-iân ê tînn-mî tsîng-gī
看破才合理
khuànn-phuà tsiah ha̍p-lí
迎接著未來日子
gîng-tsiap tio̍h bī-lâi ji̍t-tsí
拍拚來趁錢
phah-piànn lâi thàn-tsînn
總是忍耐等春天
tsóng-sī jím-nāi tán tshun-thinn
開花的時期
khui-hue ê sî-kî
