斷腸曲
《斷腸曲》Tuān-tn̂g-khik
紀露霞Kí Lōo-hâ
——————————————
你我命遮歹
lí guá miā tsiah phái
見面就分東西
kìnn-bīn tiō hun tang-sai
情海起風波
tsîng-hái khí hong-pho
哀怨在心內
ai-uàn tsāi sim-lāi
想起昔日雙人好情意
siūnn-khí sik-ji̍t siang-lâng hó tsîng-ì
一時害阮來分離
tsi̍t-sî hāi gún lâi hun-lî
更深月斜西
kinn tshim ge̍h tshiâ-sai
冷風對面吹來
líng-hong tuì bīn tshue–lâi
怨恨啥人害
uàn-hūn siánn-lâng hāi
望你再轉來
bāng lí tsài tńg–lâi
想欲寫批寄予妹妹知
siūnn-beh siá-phue kià hōo muē-muē tsai
破害封建的世界
phò-hāi hong-kiàn ê sè-kài
文明新時代
bûn-bîng sin sî-tāi
做爸母著理解
tsuè pē-bú tio̍h lí-kái
青春不再來
tshing-tshun put-tsài lâi
強迫不應該
kiông-pik put ìng-kai
造成囝兒替著爸母哀
tsō-sîng kiánn-jî thè tio̍h pē-bú ai
前途才袂來阻害
tsiân-tôo tsiah buē lâi tsóo-hāi
