卜卦調
《卜卦調》Pok-kuà-tiāu
胡美紅 Oô Bí-hông
——————————————
手搖籤筒欸
tshiú iô tshiam-tâng–eh
有三支喔
ū sann-ki–ooh
欲卜新娘仔入門喜
beh pok sin-niû-á ji̍p-mn̂g-hí
現在有身三月日喔
hiān-tsāi ū-sin sann-ge̍h-ji̍t–ooh
包領會生
pau-niá ē sinn
無延遲啊咿~
bô iân-tî–ah-i~
頭枝五娘啊陳三兄欸
thâu-ki Gōo-niû–ah Tân-sann-hiann–eh
甘願為奴啊來掃廳咿
kam-guān uī lôo–ah lâi sàu thiann–i
婚姻雖然會成事啊
hun-in sui-jiân ē sîng-sū–ah
一心歡喜
tsi̍t-sim huann-hí
一心驚啊咿~
tsi̍t-sim kiann–ah-i~
二枝關公啊扶劉備喔
jī-ki Kuan-kong–ah hû Lâu-pī–ooh
欲問仙祖啊做生理咿
beh mn̄g Sian-tsóo–ah tsuè sing-lí–i
你若添油兩百錢喔
lí nā thiam-iû nn̄g-pah tsînn–ooh
明年一定大趁錢啊咿~
mî-nî it-tīng tuā thàn-tsînn–ah-i~
三枝田嬰啊飛落網喔
sann-ki tshân-inn–ah pue lo̍h bāng–ooh
這運財利啊有較空咿~
tsit ūn tsâi-lī–ah ū khah khang–i~
仙祖壇前來解危啊
Sian-tsóo tuânn-tsîng lâi kái-uî–ah
議員當選有希望啊咿~
gī-uân tòng-suán ū hi-bāng–ah-i~
