雨中散步
《雨中散步》Hōo-tiong Sàn-pōo
洪榮宏Âng Îng-hông
——————————————
一陣陣春風吹來
tsi̍t-tsūn-tsūn tshun-hong tshue–lâi
小雨落綿綿
sió-hōo lo̍h mî-mî
雨中散步也趣味
hōo-tiong sàn-pōo iā tshù-bī
毋管伊這陣小雨
m̄-kuán i tsit-tsūn sió-hōo
一直落袂離
it-ti̍t lo̍h buē-lī
你我毋甘來分離
lí guá m̄-kam lâi hun-lî
已經也欲到黃昏時
í-king iā beh kàu hông-hun sî
霓虹燈閃閃爍爍
nî-hông-ting siám-siám-sih-sih
難分難離
lân-hun lân-lî
一陣陣暗風吹來
tsi̍t-tsūn-tsūn àm-hong tshue–lâi
小雨落綿綿
sió-hōo lo̍h mî-mî
雨中散步也歡喜
hōo-tiong sàn-pōo iā huann-hí
毋管伊這陣小雨一直落袂離
m̄-kuán i tsit-tsūn sió-hōo it-ti̍t lo̍h buē-lī
你我毋甘來分離
lí guá m̄-kam lâi hun-lî
已經也欲到深更時
í-king iā beh kàu tshim-kinn sî
夜半的路燈稀微
iā-puànn ê lōo-ting hi-bî
難分難離
lân-hun lân-lî
