真情夢
《真情夢》Tsin-tsîng Bāng
洪榮宏Âng Îng-hông
——————————————
過去你講的心話
kuè-khì lí kóng ê sim-uē
敢講已經被風吹
kám-kóng í-king pī hong tshue
想欲挽回真情夢
siūnn-beh bán-huê tsin-tsîng bāng
如今變成空
jû-kim piàn-sîng khang
雖然一年
sui-jiân tsi̍t-nî
有四季春夏秋冬
ū sù-kuì tshun-hā tshiu-tang
但是我對你無仝
tān-sī guá tuì lí bô-kāng
你是我一生全部的夢
lí sī guá it-sing tsuân-pōo ê bāng
永永遠遠囥佇心房
íng-íng-uán-uán khǹg tī sim-pâng
我用金鎖將伊藏
guá iōng kim-só tsiong i tshàng
你對我付出的感情
lí tuì guá hù-tshut ê kám-tsîng
我對你嘛有真心
guá tuì lí mā ū tsin-sim
若閣提起就傷心
nā koh thê-khí tiō siong-sim
一切攏是命
it-tshè lóng-sī miā
雖然一年
sui-jiân tsi̍t-nî
有四季春夏秋冬
ū sù-kuì tshun-hā tshiu-tang
但是我對你無仝
tān-sī guá tuì lí bô-kāng
你是我一生全部的夢
lí sī guá it-sing tsuân-pōo ê bāng
永永遠遠囥佇心房
íng-íng-uán-uán khǹg tī sim-pâng
我用金鎖將伊藏
guá iōng kim-só tsiong i tshàng
