月臺離情
《月臺離情》Gue̍h-tâi Lî-tsîng
洪榮宏Âng Îng-hông
——————————————
夜霧濛濛罩四邊
iā-bū bông-bông tà sì-pinn
靜靜月臺我佮你
tsīng-tsīng gua̍t-tâi guá kah lí
咱今夜欲來分開
lán kim-iā beh lâi hun-khui
依依惜別情難離
i-i sioh-pia̍t tsîng lân-lî
是為著光明前途
sī uī-tio̍h kong-bîng tsiân-tôo
才著來離開鄉里
tsiah tio̍h lâi lī-khui hiong-lí
是為著將來幸福
sī uī-tio̍h tsiong-lâi hīng-hok
這也是不得已
tse iā-sī put-tik-í
你毋免為我擔心
lí m̄-bián uī guá tam-sim
為我掛意
uī guá kuà-ì
我是一个純情男兒
guá sī tsi̍t-ê sûn-tsîng lâm-jî
永遠真心愛著你
íng-uán tsin-sim ài-tio̍h lí
綿綿小雨落袂離
mî-mî sió-hōo lo̍h buē-lī
千言萬語講袂盡
tshian-giân bān-gí kóng buē-tsīn
不過是暫時分離
put-kò sī tsiām-sî hun-lî
心內猶原感稀微
sim-lāi iu-guân kám hi-bî
是愛情予我鼓勵
sī ài-tsîng hōo guá kóo-lē
加添著我的勇氣
ka-thiam tio̍h guá ê ióng-khì
是愛情予我信心
sī ài-tsîng hōo guá sìn-sim
堅定著我意志
kian-tīng tio̍h guá ì-tsì
我請你安心等待
guá tshiánn lí an-sim tán-thāi
保重自己
pó-tiōng tsū-kí
我是一个純情男兒
guá sī tsi̍t-ê sûn-tsîng lâm-jî
絕對袂來辜負你
tsua̍t-tuì buē lâi koo-hū lí
是為著光明前途
sī uī-tio̍h kong-bîng tsiân-tôo
才著來離開鄉里
tsiah tio̍h lâi lī-khui hiong-lí
是為著將來幸福
sī uī-tio̍h tsiong-lâi hīng-hok
這也是不得已
tse iā-sī put-tik-í
你毋免為我擔心
lí m̄-bián uī guá tam-sim
為我掛意
uī guá kuà-ì
我是一个純情男兒
guá sī tsi̍t-ê sûn-tsîng lâm-jî
永遠真心愛著你
íng-uán tsin-sim ài-tio̍h lí
