春風
《春風》Tshun-hong
洪榮宏Âng Îng-hông
——————————————
春風吹來的花芳味
tshun-hong tshue lâi ê hue-phang bī
像你咧身邊
tshiūnn lí teh sin-pinn
心內孤單摻稀微
sim-lāi koo-tuann tsham hi-bî
想欲看著你
siūnn-beh khuànn-tio̍h lí
雨水落袂離的暗暝
hōo-tsuí lo̍h buē-lī ê àm-mî
有春風的滋味
ū tshun-hong ê tsu-bī
相思人歡喜
siunn-si lâng huann-hí
分開不得已
hun-khui put-tik-í
孤單過日子
koo-tuann kuè ji̍t-tsí
一个人啉咖啡
tsi̍t-ê-lâng lim ka-pi
想著將來的歡喜
siūnn-tio̍h tsiong-lâi ê huann-hí
等待的冬天
tán-thāi ê tang-thinn
見面就毋分開
kìnn-bīn tiō m̄ hun-khui
看著春天的花蕊
khuànn-tio̍h tshun-thinn ê hue-luí
規暝咧想你
kui-mî teh siūnn lí
兩个人的滋味
nn̄g-ê lâng ê tsu-bī
想著天光通伴你
siūnn-tio̍h thinn-kng thang phuānn lí
花心變花開
hue-sim piàn hue khui
咱永遠毋分離
lán íng-uán m̄ hun-lî
