愛的歌詩
《愛的歌詩》Ài ê Kua-si
洪榮宏Âng Îng-hông
——————————————
你看著我
lí khuànn tio̍h guá
我看著你
guá khuànn tio̍h lí
咱兩人相約黃昏時
lán nn̄g-lâng sio-iok hông-hun sî
看天邊彩雲遮爾媠
khuànn thinn-pinn tshái-hûn tsiah-nī suí
咱兩人手牽手
lán nn̄g-lâng tshiú khan-tshiú
心內暗歡喜
sim-lāi àm huann-hí
約束著咱的愛情
iok-sok tio̍h lán ê ài-tsîng
永遠毋分離
íng-uán m̄ hun-lî
我看著你
guá khuànn-tio̍h lí
就愛著你
tiō ài-tio̍h lí
咱兩人行在愛河邊
lán nn̄g-lâng kiânn tsāi ài-hô pinn
看天邊的星閃閃爍
khuànn thinn-pinn ê tshinn siám-siám-sih
咱兩人就親像
lán nn̄g-lâng tiō tshin-tshiūnn
天頂的仙侶
thinn-tíng ê sian-lī
永遠攏甜甜蜜蜜
íng-uán lóng tinn-tinn-bi̍t-bi̍t
袂來拆分離
buē lâi thiah hun-lî
你看著我
lí khuànn-tio̍h guá
就愛著我
tiō ài-tio̍h guá
咱兩人做伙情意甜
lán nn̄g-lâng tsuè-hué tsîng-ì tinn
每日陪在你身邊
muí-ji̍t puê tsāi lí sin-pinn
手牽手
tshiú khan-tshiú
你我互相來扶持
lí guá hōo-siong lâi hû-tshî
咱兩人永永遠遠
lán nn̄g-lâng íng-íng-uán-uán
雙雙又對對
siang-siang iū tuì-tuì
我愛著你
guá ài-tio̍h lí
你愛著我
lí ài-tio̍h guá
咱兩人約束心連心
lán nn̄g-lâng iok-sok sim liân-sim
紅線將咱縛做堆
âng-suànn tsiong lán pa̍k tsuè-tui
你佮我
lí kah guá
感情相愛袂變心
kám-tsîng siong-ài buē piàn-sim
咱兩人一生一世
lán nn̄g-lâng it-sing it-sè
永遠在身邊
íng-uán tsāi sin-pinn
你愛著我
lí ài-tio̍h guá
我愛著你
guá ài-tio̍h lí
咱兩人唱著愛的歌詩
lán nn̄g-lâng tshiùnn tio̍h ài ê kua-si
歌聲唱出好情意
kua-siann tshiùnn-tshut hó tsîng-ì
咱兩人
lán nn̄g-lâng
隨著音樂來表示
suî tio̍h im-ga̍k lâi piáu-sī
唱出著你我的愛
tshiùnn-tshut tio̍h lí guá ê ài
永遠毋分離
íng-uán m̄ hun-lî
