行船人的愛
《行船人的愛》Kiânn-tsûn-lâng ê Ài
洪榮宏Âng Îng-hông
——————————————
每日生活在大海
muí-ji̍t sing-ua̍h tsāi tuā-hái
行船走天涯
kiânn-tsûn tsáu thian-gâi
想起故鄉我的心愛
siūnn-khí kòo-hiong guá ê sim-ài
寂寞在心內
tsi̍k-bo̍k tsāi sim-lāi
哪通寂寞在心內
ná thang tsi̍k-bo̍k tsāi sim-lāi
提出勇氣來
the̍h tshut ióng-khì lâi
雖然這是遙遠的愛
sui-jiân tse sī iâu-uán ê ài
總是愛忍耐
tsóng-sī ài jím-nāi
總是互相愛忍耐
tsóng-sī hōo-siong ài jím-nāi
堅心來等待
kian-sim lâi tán-thāi
雙人若有真心的愛
siang-lâng nā ū tsin-sim ê ài
無人會阻礙
bô-lâng ē tsóo-gāi
請你相信我的愛
tshiánn lí siong-sìn guá ê ài
行船人的愛
kiânn-tsûn-lâng ê ài
千辛萬苦走遍四海
tshian-sin-bān-khóo tsáu-piàn sù-hái
也是為將來
iā-sī uī tsiong-lâi
