臺灣我愛你
《臺灣我愛你》Tâi-uân Guá Ài Lí
洪榮宏Âng Îng-hông
——————————————
大船入港
tuā-tsûn ji̍p-káng
船螺聲聲霆
tsûn-lê siann-siann tân
旗津黃昏日落海
Kî-tin hông-hun ji̍t lo̍h-hái
淡水河邊春風吹過來
Tām-tsuí-hô pinn tshun-hong tshue–kuè-lâi
愛人仔雙雙又對對
ài-jîn-á siang-siang iū tuì-tuì
基隆港墘的船隻
Ke-lâng-káng kînn ê tsûn-tsiah
滿載著幸福未來
muá-tsài tio̍h hīng-hok bī-lâi
咱的夢咱的希望
lán ê bāng lán ê hi-bāng
充滿著咱的愛
tshiong-buán tio̍h lán ê ài
你佮我做伙
lí kah guá tsuè-hué
手牽手心連心
tshiú khan-tshiú sim liân-sim
故鄉臺灣我愛你
kòo-hiong Tâi-uân guá ài lí
安平的心
Ang-pîng ê sim
南臺灣的愛
Lâm-Tâi-uân ê ài
熱情的人遮爾媠
jia̍t-tsîng ê lâng tsiah-nī suí
馬祖金門風華猶原在
Má-tsóo Kim-mn̂g hong-huâ iû-guân tsāi
日月潭風景第一等
Ji̍t-gua̍t-thâm hong-kíng tē-it-tíng
梧棲漁港的船隻
Gôo-tshe hî-káng ê tsûn-tsiah
滿載著幸福未來
muá-tsài tio̍h hīng-hok bī-lâi
咱的夢咱的希望
lán ê bāng lán ê hi-bāng
充滿著咱的愛
tshiong-buán tio̍h lán ê ài
你佮我做伙
lí kah guá tsuè-hué
手牽手心連心
tshiú khan-tshiú sim liân-sim
故鄉臺灣我愛你
kòo-hiong Tâi-uân guá ài lí
花東的海岸
Hua-tang ê hái-huānn
阿里山的日出
A-lí-san ê ji̍t-tshut
寧夏路來踅夜市
Lîng-hā-lōo lâi se̍h iā-tshī
可愛的笑容
khó-ài ê tshiò-iông
溫暖的城市
un-luán ê siânn-tshī
上讚的人情味
siōng tsán ê jîn-tsîng-bī
啊~美麗的臺灣
ah~ bí-lē ê Tâi-uân
故鄉臺灣我愛你
kòo-hiong Tâi-uân guá ài lí
