春天哪會遮爾寒
《春天哪會遮爾寒》Tshun-thinn Ná Ē Tsiah-nī Kuânn
洪榮宏 Âng Îng-hông
——————————————
為著彼時一句話
uī-tio̍h hit-sî tsi̍t-kù uē
付出了代價
hù-tshut liáu tāi-kè
如今想欲來解說
jû-kim siūnn-beh lâi kái-sueh
全然無機會
tsuân-jiân bô ki-huē
愛你永遠袂反悔
ài lí íng-uán buē huán-hué
只是心難過
tsí-sī sim lân-kuè
如今想欲來挽回
jû-kim siūnn-beh lâi bán-huê
感情已經出問題
kám-tsîng í-king tshut būn-tuê
是緣份將咱拆散
sī iân-hūn tsiong lán thiah-suànn
害我變甲遮孤單
hāi guá piàn kah tsiah koo-tuann
是命運逼咱無依無倚
sī miā-ūn pik lán bô-i-bô-uá
忍受著寂寞的拖磨
jím-siū tio̍h tsi̍k-bo̍k ê thua-buâ
明知你欲離開我
bîng-tsai lí beh lī-khui guá
只有金金看
tsí-ū kim-kim-khuànn
身邊無人通做伴
sin-pinn bô-lâng thang tsuè-phuānn
春天哪會遮爾寒
tshun-thinn ná ē tsiah-nī kuânn
