故鄉一蕊花
《故鄉一蕊花》Kòo-hiong Tsi̍t-luí Hue
洪榮宏Âng Îng-hông
——————————————
春風冷冷對面吹
tshun-hong líng-líng tuì bīn tshue
想起故鄉彼蕊花
siūnn-khí kòo-hiong hit luí hue
你的生活怎樣過
lí ê sing-ua̍h tsuánn-iūnn kuè
予阮煩惱遐爾濟
hōo gún huân-ló hiah-nī tsuē
為何攏無伊的批
uī-hô lóng bô i ê phue
害我每日等電話
hāi guá muí-ji̍t tán tiān-uē
揣無飛機通好坐
tshuē-bô hui-ki thang-hó tsē
趕緊欲佮伊做伙
kuánn-kín beh kah i tsuè-hué
一蕊花一蕊花
tsi̍t-luí hue tsi̍t-luí hue
啊~毋知何時
ah~ m̄-tsai hô-sî
何時再相會
hô-sî tsài siong-huē
攑頭看著半爿月
gia̍h-thâu khuànn-tio̍h puànn-pîng gue̍h
想起故鄉彼蕊花
siūnn-khí kòo-hiong hit luí hue
相思親像相欠債
siunn-si tshin-tshiūnn sio-khiàm-tsè
逼阮逼甲戇戇踅
pik gún pik kah gōng-gōng se̍h
時鐘無奈鬧規暝
sî-tsing bô-nāi nāu kui-mê
落葉可憐四界飛
lo̍h-hio̍h khó-liân sì-kè pue
啥人陪阮啉一杯
siánn-lâng puê gún lim tsi̍t-pue
只有窗外的燈火
tsí-ū thang-guā ê ting-hué
一蕊花一蕊花
tsi̍t-luí hue tsi̍t-luí hue
啊~痴情像我
ah~ tshi-tsîng tshiūnn guá
世間無幾个
sè-kan bô kuí ê
