我已經看破
《我已經看破》Guá Í-king Khuànn-phuà
洪榮宏Âng Îng-hông
——————————————
我的心內已經了解
guá ê sim-lāi í-king liáu-kái
你毋是為著爸母咧反對
lí m̄-sī uī-tio̍h pē-bú teh huán-tuì
才會佮阮欲分開
tsiah ē kah gún beh hun-khui
因為你是愛慕虛榮
in-uī lí sī ài-bōo hi-îng
甘心犧牲咱的情意
kam-sim hi-sing lán ê tsîng-ì
啊~愛情愛情
ah~ ài-tsîng ài-tsîng
你無了解真正愛情
lí bô liáu-kái tsin-tsiànn ài-tsîng
痛苦的
thòng-khóo–ê
全部我承受
tsuân-pōo guá sîng-siū
甜蜜的
tinn-bi̍t–ê
送予你
sàng hōo lí
雖然你來辜負我
sui-jiân lí lâi koo-hū guá
我猶原無來恨你
guá iu-guân bô lâi hūn lí
事到如今
sū kàu jû-kim
已經看破
í-king khuànn-phuà
毋敢閣希望咱雙人
m̄-kánn koh hi-bāng lán siang-lâng
會當相逢
ē-tàng siong-hông
破鏡再團圓
phuà-kiànn tsài thuân-înn
因為我是散赤的人
in-uī guá sī sàn-tshiah ê lâng
毋敢隨便來講啥物
m̄-kánn suî-piān lâi kóng siánn-mih
啊~愛情愛情
ah~ ài-tsîng ài-tsîng
這款金錢主義愛情
tsit khuán kim-tsînn tsú-gī ài-tsîng
閣再留戀也無路用
koh-tsài liû-luân iā bô-lōo-iōng
當做無愛過你
tòng-tsuè bô ài kè lí
從今以後
tsiông-kim í-āu
只有是
tsí-ū sī
將過去放予袂記
tsiong kè-khì pàng hōo buē-kì
