一陣西北雨
《一陣西北雨》Tsi̍t-tsūn Sai-pak-hōo
洪榮宏Âng Îng-hông
——————————————
咱兩人做陣行
lán nn̄g-lâng tsuè-tīn kiânn
行著這條愛的小路
kiânn tio̍h tsit tiâu ài ê sió-lōo
咱兩人仝心肝
lán nn̄g-lâng kāng sim-kuann
毋驚艱苦的前途
m̄-kiann kan-khóo ê tsiân-tôo
突然間
tu̍t-jiân-kan
落了一陣大雨
lo̍h liáu tsi̍t-tsūn tuā-hōo
落甲遮爾粗
lo̍h kah tsiah-nī tshoo
一陣西北雨
tsi̍t-tsūn sai-pak-hōo
也無雨傘
iā bô hōo-suànn
也無雨傘
iā bô hōo-suànn
也無雨傘通遮雨
iā bô hōo-suànn thang jia-hōo
咱兩人澹糊糊
lán nn̄g-lâng tâm-kôo-kôo
也著同甘同苦
iā tio̍h tông kam tông khóo
相照顧
sio tsiàu-kòo
