青春愛戀
《青春愛戀》Tshing-tshun Ài-luân
洪一峰Âng It-hong
——————————————
↓↓—(口白)—↓↓
青春
tshing-tshun
你我寶貴的青春
lí guá pó-kuì ê tshing-tshun
咱怎毋來好好應用
lán tsánn m̄ lâi hó-hó ìng-īng
日子的經過
ji̍t-tsí ê king-kè
就親像流水
tō tshin-tshiūnn lâu-tsuí
你明白嗎
lí bîng-pi̍k–mah
純情的女性
sûn-tsîng ê lú-sìng
我祈禱著
guá kî-tó tio̍h
恁的青春如意
lín ê tshing-tshun jû-ì
自由快樂
tsū-iû khuài-lo̍k
↑↑—(口白)—↑↑
你希望趁著青春
lí hi-bāng thàn tio̍h tshing-tshun
陪伴著一位男性
puê-phuānn tio̍h tsi̍t-uī lâm-sìng
應該著明白花枝
ìng-kai tio̍h bîng-pi̍k hue-ki
青春的薄命
tshing-tshun ê po̍k-bīng
可愛春天若過去
khó-ài tshun-thinn nā kè-khì
秋風冷像冰
tshiu-hong líng tshiūnn ping
容易來耽誤著
iông-īnn lâi tam-gōo tio̍h
你滿腹的熱情
lí muá-pak ê jia̍t-tsîng
你希望趁著青春
lí hi-bāng thàn tio̍h tshing-tshun
愛慕著一位男性
ài-bōo tio̍h tsi̍t-uī lâm-sìng
應該著表示
ìng-kai tio̍h piáu-sī
本身純真的心情
pún-sin sûn-tsin ê sim-tsîng
櫻桃喙脣好芳味
ing-thô tshuì-tûn hó phang-bī
毋通來亂用
m̄-thang lâi luān īng
最好是等待心愛
tsuè-hó sī tán-thāi sim-ài
態度會分明
thāi-tōo ē hun-bîng
你希望趁著青春
lí hi-bāng thàn tio̍h tshing-tshun
熱戀著一位男性
jia̍t-luân tio̍h tsi̍t-uī lâm-sìng
應該著毋通痴迷
ìng-kai tio̍h m̄-thang tshi-bê
失去了冷靜
sit-khì liáu líng-tsīng
彼時茫茫走入去
hit-sî bâng-bâng tsáu–ji̍p-khì
禍害了一生
hō-hāi liáu it-sing
想毋著
siūnn m̄-tio̍h
已經著愛永遠嘆悲情
í-king tio̍h-ài íng-uán thàn pi-tsîng
