難分難離

《難分難離》Lân Hun Lân Lî
洪一峰Âng It-hong
——————————————
咱兩人怎樣會
lán nn̄g-lâng tsuánn-iūnn ē
被海水來拆開
pī hái-tsuí lâi thiah-khui
彼一款可愛又古錐
hit tsi̍t-khuán khó-ài iū kóo-tsui
怎樣袂做堆
tsuánn-iūnn buē tsuè-tui
彼一日船欲開
hit-tsi̍t-ji̍t tsûn beh khui
無情鑼聲悽慘催
bô-tsîng lô-siann tshi-tshám tshui
心情齊枉費
sim-tsîng tsiâu óng-huì
心情齊枉費
sim-tsîng tsiâu óng-huì
目屎四淋垂
ba̍k-sái sì-lâm-suî
毋甘來離開
m̄-kam lâi lī-khui
毋甘來離開
m̄-kam lâi lī-khui
看無上克虧
khuànn-bô siōng khik-khui

咱兩人怎樣會
lán nn̄g-lâng tsuánn-iūnn ē
被風雨拆分離
pī hong-hōo thiah hun-lī
彼一款美麗又伶俐
hit tsi̍t-khuán bí-lē iū líng-lī
毋願放袂記
m̄-guān pàng-buē-kì
落雨天彼一日
lo̍h-hōo-thinn hit-tsi̍t-ji̍t
情難捨談一暝
tsîng lân siá kóng tsi̍t-mê
心內酸甘甜
sim-lāi sng-kam-tinn
心內酸甘甜
sim-lāi sng-kam-tinn
思悶過日子
su-būn kè ji̍t-tsí
毋甘來分離
m̄-kam lâi hun-lī
毋甘來分離
m̄-kam lâi hun-lī
今仔日空相思
kia̋nn-ji̍t khang siunn-si