船上月夜

《船上月夜》Tsûn-siōng Gue̍h-iā
洪一峰Âng It-hong
——————————————
深夜雺霧罩港墘
tshim-iā bông-bū tà káng-kînn
冷風吹稀微
líng-hong tshe hi-bî
空中海鳥也哀啼
khong-tiong hái-tsiáu iā ai-thî
句句斷腸詩
kù-kù tuān-tn̂g-si
引阮留戀行袂去
ín gún liû-luân kiânn buē khì
想著港都酒場時
siūnn-tio̍h káng-too tsiú-tiûnn sî
毋甘分離
m̄-kam hun-lî
傷心目屎滴
siong-sim ba̍k-sái tih

像阮坐船行海浪
tshiūnn gún tsē-tsûn kiânn hái-lōng
波浪做床鋪
pho-lōng tsuè tshn̂g-phoo
有時眩船人糊塗
ū-sî hîn-tsûn lâng hôo-tôo
吐氣欲啥步
thóo-khuì beh siánn pōo
行船生活真艱苦
kiânn-tsûn sing-ua̍h tsin kan-khóo
一生孤單免娶某
it-sing koo-tuann bián tshuā-bóo
衫褲穿破
sann-khòo tshīng phuà
無人通修補
bô-lâng thang siu-póo

今日來到異鄉時
kim-ji̍t lâi-kàu ī-hiong sî
啉酒解相思
lim-tsiú kái siunn-si
酒醉自暴也自棄
tsiú-tsuì tsū-pō iā tsū-khì
戇戇啉規暝
gōng-gōng lim kui-mî
看破世情遮無義
khuànn-phuà sè-tsîng tsiah bô-gī
只有異鄉燒酒纏
tsí-ū ī-hiong sio-tsiú tînn
夜霧都市
iā-bū too-tshī
再會等幾時
tsài-huē tán kí-sî