深夜懷相思
《深夜懷相思》Tshim-iā Huâi Siunn-si
洪第七Âng Tē-tshit
凌霞Lîng-hâ
—————————————–
今夜月光帶稀微
kim-iā ge̍h-kng tài hi-bî
照在幽靜運河邊
tsiò tsāi iu-tsīng ūn-hô pinn
冷風猶原含悲意
líng-hong iu-guân hâm pi-ì
來吹孤單的男兒
lâi tshue koo-tuann ê lâm-jî
想起雙人早當時
siūnn-khí siang-lâng tsá-tong-sî
橋頂情纏綿
kiô-tíng tsîng tînn-mî
今夜大氣吐袂離
kim-iā tuā-khuì thòo buē-lī
河邊單相思
hô-pinn tuann-siunn-si
深夜思戀心悵惘
tshim-iā su-luân sim tiòng-bóng
伸手挩開西爿窗
tshun-tshiú thuah khui sai-pîng than
夜深露水滴花欉
iā tshim lōo-tsuí tih hue-tsâng
月色光光照入房
ge̍h-sik kng-kng tsiò ji̍p pâng
早前橋頂的美夢
tsá-tsîng kiô-tíng ê bí-bāng
今夜變成空
kim-iā piàn-sîng khang
為何會來分西東
uī-hô ē lâi hun sai-tang
害阮心茫茫
hāi gún sim bâng-bâng
心愛到底何時歸
sim-ài tàu-tué hô-sî kui
凝看月色照河水
gîng-khuànn ge̍h-sik tsiò hô-tsuí
愛情花蕊何時開
ài-tsîng hue-luí hô-sî khui
為你暗中流珠淚
uī lí àm-tiong lâu tsu-luī
無你心肝強欲碎
bô lí sim-kuann kiōng-beh tshuì
需要你安慰
su-iàu lí an-uì
願望早日來做堆
guān-bāng tsá-ji̍t lâi tsuè-tui
早日來做堆
tsá-ji̍t lâi tsuè-tui