時代的男兒

《時代的男兒》Sî-tāi ê Lâm-jî
洪一峰Âng It-hong
——————————————
做男兒賭著志氣
tsuè lâm-jî tóo tio̍h tsì-khì
絕對毋通心稀微
tsua̍t-tuì m̄-thang sim hi-bî
無論是海角天邊
bô-lūn sī hái-kak thinn-pinn
猶原也著來去
iu-guân iā tio̍h lâi-khì
前途的光明大路
tsiân-tôo ê kong-bîng tāi-lōo
期待著我去揣伊
kî-thāi tio̍h guá khì tshē i
喔咿喔咿喔喔咿喔咿喔
ooh-ih ooh-ih-ooh ooh-ih ooh-ih-ooh
做男兒提出勇氣
tsuè lâm-jî the̍h tshut ióng-khì
忍耐一切酸苦味
jím-nāi it-tshè sng-khóo-bī
毋管是風吹日曝
m̄-kuán sī hong tshe ji̍t pha̍k
唱著快樂歌詩
tshiùnn tio̍h khuài-lo̍k kua-si
青翠的坑崁山崙
tshinn-tshuì ê khinn-khàm suann-lūn
歡迎阮陪伴伊
huan-gîng gún puê-phuānn i
喔咿喔咿喔喔咿喔咿喔
ooh-ih ooh-ih-ooh ooh-ih ooh-ih-ooh

做男兒靠著理智
tsuè lâm-jî khò-tio̍h lí-tì
毋願失了好情義
m̄-guān sit liáu hó tsîng-gī
放捒著路邊野花
pàng-sak tio̍h lōo-pinn iá-hue
趕路向前來去
kuánn-lōo hiòng-tsiân lâi-khì
純情的心愛的伴侶
sûn-tsîng ê sim-ài ê phuānn-lī
思念阮愛慕伊
su-liām gún ài-bōo i
喔咿喔咿喔喔咿喔咿喔
ooh-ih ooh-ih-ooh ooh-ih ooh-ih-ooh