春宵五更鼓

https://www.youtube.com/watch?v=uLQAf4W8ox8&fbclid=IwAR1WKH5PNNNl_NBrG9CKUJcToI4pGWjhBs4272Dwfzk6rzpiOlDCM9yoHec

《春宵五更鼓》Tshun-siau Gōo-kinn Kóo
洪一峰 Âng It-hong
——————————————
今生難得好春宵
kim-sing lân-tit hó tshun-siau

一更的更鼓響一聲
it-kinn ê kinn-kóo hiáng tsi̍t-siann
伴娘仔啉酒心頭定
phuānn niû-á lim-tsiú sim-thâu tiānn
你所表明若有影
lí sóo piáu-bîng nā ū-iánn
我會娶你做某囝
guá ē tshuā lí tsuè bóo-kiánn

二更的更鼓響廳前
jī-kinn ê kinn-kóo hiáng thiann-tsîng
為娘仔費心來說明
uī niû-á huì-sim lâi sueh-bîng
望你信賴我真情
bāng lí sìn-lāi guá tsin-tsîng
免驚害你受不幸
bián-kiann hāi lí siū put-hīng

三更的更鼓響門埕
sann-kinn ê kinn-kóo hiáng mn̂g-tiânn
牽娘仔的手出來行
khan niû-á ê tshiú tshut-lâi kiânn
明月伴星照山嶺
bîng-ge̍h phuānn tshinn tsiò suann-niá
我來伴你心免驚
guá-lâi phuānn lí sim bián kiann

四更的更鼓響房內
sì-kinn ê kinn-kóo hiáng pâng-lāi
我娘仔生媠又可愛
guá niû-á sinn suí iū khó-ài
我的心情你上知
guá ê sim-tsîng lí siōng tsai
毋敢對你亂使來
m̄-kánn tuì lí luān-sú-lâi

五更的更鼓響床邊
gōo-kinn ê kinn-kóo hiáng tshn̂g-pinn
請娘仔毋通來袂記
tshiánn niû-á m̄-thang lâi buē-kì
今宵離別是暫時
kim-siau lī-pia̍t sī tsiām-sî
情愛袂斷絲牽絲
tsîng-ài buē tn̄g si khan si

春宵一刻值千金
tshun-siau it khik ta̍t tshian kim
萬金難買女人心
bān kim lân bué lú-jîn sim