懷念的播音員

《懷念的播音員》Huâi-liām ê Pò-im-guân
洪第七Âng Tē-tshit
——————————————
雖然你佮我
sui-jiân lí kah guá
每日在空中相會
muí-ji̍t tsāi khong-tiong siong-huē
因為你溫柔
in-uī lí un-jiû
甜蜜的聲音可愛
tinn-bi̍t ê siann-im khó-ài
彼日予我忍不住
hit ji̍t hōo guá jím-put-tsū
為你來心迷醉
uī lí lâi sim bê-tsuì
所以欲叫我
sóo-í beh kiò guá
怎樣來對你表示
tsuánn-iūnn lâi tuì lí piáu-sī
只有是懷念你
tsí-ū sī huâi-liām lí

雖然你佮我
sui-jiân lí kah guá
每日在空中相會
muí-ji̍t tsāi khong-tiong siong-huē
因為你一切
in-uī lí it-tshè
予人會為你痴迷
hōo-lâng ē uī lí tshi-bê
可愛的你播音聲
khó-ài ê lí pòo-im siann
解消我心空虛
kái-siau guá sim khang-hi
愛你在心內
ài lí tsāi sim-lāi
可惜無勇氣表示
khó-sioh bô ióng-khì piáu-sī
只有是懷念你
tsí-ū sī huâi-liām lí

苦苦的心無人知
khóo-khóo ê sim bô-lâng tsai
只有叫你名字
tsí-ū kiò lí miâ-jī
我思慕的人
guá sir-bōo ê lâng
你就是大眾情侶
lí tsiū-sī tāi-tsiòng tsîng-lī
只有是懷念你
tsí-ū sī huâi-liām lí