愛情的主人

《愛情的主人》Ài-tsîng ê Tsú-lâng

洪百慧Âng Pik-huī

——————————————

青春的花欉

tshing-tshun ê hue-tsâng

紅豔天當烘當清芳

âng-iām thinn tng hang tng tshing-phang

青春的戀夢

tshing-tshun ê luân-bāng

你哪通放阮等規暗

lí ná thang pàng gún tán kui-àm

心愛彼个人

sim-ài hit ê lâng

你是阮感情的萬靈丹

lí sī gún kám-tsîng ê bān-lîng-tan

愛情名簿

ài-tsîng miâ-phōo

你是阮唯一的人選

lí sī gún uî-it ê jîn-suán

今生為你來下凡

kim-sing uī lí lâi hā-huān

毋通將阮當花矸

m̄-thang tsiong gún tòng hue-kan

雖然英雄

sui-jiân ing-hiông

難過美人關

lân kuè bí-jîn-kuan

阮的雙手

gún ê siang-tshiú

你敢牽有絚

lí kám khan ū ân

搭上幸福的車幫

tah siōng hīng-hok ê tshia-pang

沉醉在愛河的情網

tîm-tsuì tsāi ài-hô ê tsîng-bāng

青春厚眠夢

tshing-tshun kāu bîn-bāng

歲月加擾亂

suè-gua̍t ke jiáu-luān

過了花燭夜

kuè-liáu hua-tsiok-iā

你是阮愛情的主人

lí sī gún ài-tsîng ê tsú-lâng